Lýsing
Brut Nature Philippe Starck er samstarfsverkefni milli æskuvinanna Frédéric Rouzaud, höfuð Louis Roederer og hönnuðins fræga,Philippe Starck.
Þetta frábæra kampavín er eingöngu bruggað í bestu uppskeruárum hjá Louis Roederer.
Kampavínspælingar Frédéric Rouzaud, Philippe Starck og kjallarameistara Louis Roederer, Jean-Baptiste Lécaillon, leiddi til fyrsta „ópusins“, Brut Nature 2006, annars árgangs árið 2009 þriðja árgangs 2012 fjórða árgangs, 2015 og nýjasti árgangur er 2018.
Vínekran “Domaine Brut Nature” sem er notuð fyrir þetta einstaka kampavín er einungis um 10 ha.að stærð og er vottuð sem hrein biodínamísk vínekra.
Uppskeran er öll tekin upp á sama degi. Þrúgurnar eru síðan allar kreistar saman í einni samhljóða hreyfingu til að halda uppbyggingu Pinot Noir, þroska Pinot Meunier ásamt blómakarakter og líflegri sýru Chardonnaysins til fulls.
